ШЕЖІРЕ КІТАПХАНАСЫ
Нұрдәулетова Б.И., Қайыркен Т.З., Көшімова Б.Ә., Құламанова З.А., Алимхан А.А.
Қытай және араб-парсы дереккөздеріндегі Орта Азия мен Қазақстанның тарихи топонимиясы. Монография. Алматы: «TURAN» баспасы, 2025. – 244 б.
ISBN 973-601-7564-74-2
Монография Қытай, араб-парсы және өзге Шығыс жазба дереккөздеріндегі Орта Азия мен Қазақстан аумағындағы көне топонимдерді тарихи-деректанулық тұрғыдан зерттеуге арналған. Еңбекте көне түркілік топонимдердің тарихи-этимологиялық және лингвистикалық сипаты талданып, Жамбыл өңірі мен Шығыс Қазақстанның Абай өңірі, сондай-ақ көршілес Моңғолия мен Қытай аумағындағы топонимдер Ұлы Жібек жолы және тарихи-географиялық сәйкестендіру контексінде қарастырылады.
Монография тарих, деректану, тарихи география, түркология және шығыстану салаларындағы ғалымдар мен жоғары оқу орындарының оқытушыларына, докторанттар мен магистранттарға, өлкетанушыларға арналған.
Құлан қыпшақтар. (шежіре). – Алматы: «TURAN» баспасы. 2026. – 488 бет.
ISBN
Тоқсан екі баулы қыпшақ ішіндегі «Құлан қыпшақ» шежіресі жинағына республиканың барлық өңірлерінде тұратын Құлан қыпшақтардың шежірелері енгізілген. Бұл еңбектің ерекшелігі – ел ішінде сұрау салу арқылы жинақталған мәліметтерді тарихи деректермен салыстыра отырып, зерделеу негізінде жасалуы.
Әр жылдары әр өңірде шыққан шежіре кітаптардың деректері біріктірілген. Құлан қыпшақтан шыққан тарихи тұлғалар жайлы құнды деректер жазылған. Құлан қыпшақтардың шоғырланған атақоныстары жайлы деректер, өз ортасына еңбегі сіңген адамдар туралы да әңгімеленеді. Шежіре-кітап көпшілік қауымға арналған.